8m-ri buruz

Aholku-Batzordetik, EAEko emakume-elkarteen eta Eusko Jaurlaritzaren arteko solasaldi-gunea, martxoaren 8an deitu den greba feministara gehitzen gara.
Batzorde honen sareak osatzen ditugun emakumeok, aniztasunetik, badakigu itun feministak ehuntzeak indartsuagoak bihurtzen gaituela gure eskubideak finkatzeko aldarrikapen sendoetan. Jakitun gara patriarkatuak gure xedeak baliogabetzen dituela eta gure aurrerapausoen aurrean erreakzionatzen duela, nahasmena nahita sortuz feminismoa zer den eta horren proposamen inguruan.

Feminismoak irtenbide politikoa, kolektiboa eta soziala bilatzen du, gizateriarentzat, gizon eta emakumeentzat, horrexegatik aurreko deialdietan bezala, grebara gehitzen gara, egunero lan egiten dugun eran, bizitza erdigunean duen gizartea eraikitzen eta finkatzen, zaintzak gizarte-ondasun izanik.
Sendo salatu nahi ditugu emakumeok bizi ditugun desberdintasun- eta prekarietate- egoerak patriarkatuaren pean, bizitzako eremu guztietan.